حکومتِ خیبر پختونخوا کے اشتراک سے زلمی ویمن لیگ سیزن 2 کے انعقاد کا اعلان
پشاور، (مدثر رحیم قریشی ) زلمی فاؤنڈیشن نے گزشتہ سال منعقد ہونے والی پہلی زلمی ویمن لیگ (ZWL) کی شاندار کامیابی کے بعد زلمی ویمن لیگ سیزن 2 کے آغاز کا اعلان کر دیا ہے، جو 27 نومبر سے یکم دسمبر 2025 تک منعقد کی جائے گی۔ اس سال کا ایڈیشن “خواب سے حقیقت تک” کے وژن کو مزید مضبوط کرتے ہوئے خواتین کرکٹ کے فروغ کے لیے ایک اہم سنگِ میل ثابت ہوگا۔سیزن 2 کے انعقاد میں یو فون 4G, یو این ویمن, حکومتِ خیبر پختونخوا, ہائر ایجوکیشن ڈیپارٹمنٹ خیبر پختونخوا اور ڈی جی اسپورٹس خیبر پختونخوا بھرپور تعاون کر رہے ہیں۔ یہ اشتراک خواتین کو بااختیار بنانے، مساوی مواقع فراہم کرنے اور نوجوان کھلاڑیوں کو پیشہ ورانہ کھیلوں میں آگے بڑھنے کے مواقع دینے کے مشترکہ عزم کی عکاسی کرتا ہے۔
سیزن 1 کی کامیاب میزبانی نے زلمی ویمن لیگ کو خیبر پختونخوا کی پہلی باقاعدہ خواتین کرکٹ لیگ کے طور پر قومی سطح پر متعارف کرایا۔ افتتاحی سیزن کی کامیابی نے نئی خواتین ٹیلنٹ کو ابھارنے، علاقائی خواتین کرکٹ کے معیار کو بلند کرنے اور مستقبل کی ترقی کے لیے مستحکم بنیاد فراہم کی۔ پشاور آل اسٹارز، جو پہلی ٹورنامنٹ کی چیمپئن ٹیم تھی، اب سیزن 2 میں اپنے ٹائٹل کے دفاع کے لیے پرعزم ہیں۔چیئرمین پشاور زلمی و زلمی فاؤنڈیشن جناب جاوید آفریدی نے لیگ کی ترقی اور خواتین کرکٹ پر اس کے مثبت اثرات پر فخر کا اظہار کرتے ہوئے اس عزم کا اعادہ کیا کہ زلمی فاؤنڈیشن صنفی مساوات، نوجوانوں کی بااختیاری اور خواتین کو پائیدار مواقع فراہم کرنے کے مشن پر گامزن رہے گی۔
یو فون 4G اور یو این ویمن کے تعاون سے سیزن 2، صنفی مساوات اور خواتین کے لیے کھیلوں میں مزید پیشہ ورانہ مواقع فراہم کرنے میں اہم کردار ادا کرے گا۔ حکومتِ خیبر پختونخوا, ہائر ایجوکیشن ڈیپارٹمنٹ اور ڈی جی اسپورٹس لیگ کے طویل المدتی استحکام کے لیے سہولیات میں بہتری اور حکمتِ عملی پر مبنی معاونت فراہم کر رہے ہیں۔زلمی ویمن لیگ سیزن 2 خیبر پختونخوا بھر سے باصلاحیت کھلاڑیوں کو ایک متحرک، مسابقتی پلیٹ فارم فراہم کرے گا جہاں وہ اپنی صلاحیتوں کا بھرپور اظہار کر سکیں گی۔ اس سال کے میچز نہ صرف اعلیٰ معیار کی کرکٹ پیش کریں گے بلکہ شاندار پرفارمنس اور جذبے سے بھرپور کھیل کے ذریعے خواتین کی کھیلوں میں ترقی کے مشن کو بھی آگے بڑھائیں گے۔
سیزن 1 کی کامیاب میزبانی نے زلمی ویمن لیگ کو خیبر پختونخوا کی پہلی باقاعدہ خواتین کرکٹ لیگ کے طور پر قومی سطح پر متعارف کرایا۔ افتتاحی سیزن کی کامیابی نے نئی خواتین ٹیلنٹ کو ابھارنے، علاقائی خواتین کرکٹ کے معیار کو بلند کرنے اور مستقبل کی ترقی کے لیے مستحکم بنیاد فراہم کی۔ پشاور آل اسٹارز، جو پہلی ٹورنامنٹ کی چیمپئن ٹیم تھی، اب سیزن 2 میں اپنے ٹائٹل کے دفاع کے لیے پرعزم ہیں۔چیئرمین پشاور زلمی و زلمی فاؤنڈیشن جناب جاوید آفریدی نے لیگ کی ترقی اور خواتین کرکٹ پر اس کے مثبت اثرات پر فخر کا اظہار کرتے ہوئے اس عزم کا اعادہ کیا کہ زلمی فاؤنڈیشن صنفی مساوات، نوجوانوں کی بااختیاری اور خواتین کو پائیدار مواقع فراہم کرنے کے مشن پر گامزن رہے گی۔
یو فون 4G اور یو این ویمن کے تعاون سے سیزن 2، صنفی مساوات اور خواتین کے لیے کھیلوں میں مزید پیشہ ورانہ مواقع فراہم کرنے میں اہم کردار ادا کرے گا۔ حکومتِ خیبر پختونخوا, ہائر ایجوکیشن ڈیپارٹمنٹ اور ڈی جی اسپورٹس لیگ کے طویل المدتی استحکام کے لیے سہولیات میں بہتری اور حکمتِ عملی پر مبنی معاونت فراہم کر رہے ہیں۔زلمی ویمن لیگ سیزن 2 خیبر پختونخوا بھر سے باصلاحیت کھلاڑیوں کو ایک متحرک، مسابقتی پلیٹ فارم فراہم کرے گا جہاں وہ اپنی صلاحیتوں کا بھرپور اظہار کر سکیں گی۔ اس سال کے میچز نہ صرف اعلیٰ معیار کی کرکٹ پیش کریں گے بلکہ شاندار پرفارمنس اور جذبے سے بھرپور کھیل کے ذریعے خواتین کی کھیلوں میں ترقی کے مشن کو بھی آگے بڑھائیں گے۔
Load/Hide Comments
