اسلام آبادراولپنڈی کے درمیان جدیدو تیزرفتارٹرین چلانے کافیصلہ
اسلام آباد(اے ایف بی) اسلام آباد راولپنڈی کے درمیان جدید و تیز رفتار ٹرین چلانے کا فیصلہ کیا گیاہے جڑواں شہروں کے درمیان سفر 20 منٹ میں طے ہو گا اور وقت اور ایندھن کی بچت ہو گی۔ جڑواں شہروں میں ٹریفک کا دباو کم ہو گا،اسلام آباد راولپنڈی ریل سروس شروع کرنے کے منصوبے کے سلسلے میں وزیر داخلہ محسن نقوی اور وزیر ریلویز حنیف عباسی کی زیر صدارت اہم اجلاس ہوا۔ وزیر مملکت داخلہ طلال چوہدری نے بھی اجلاس میں شرکت۔ اجلاس میں مارگلہ سٹیشن اسلام آباد سے راولپنڈی صدر سٹیشن تک ریل منصوبے کو جلد از جلد مکمل کرنے پر اتفاق کیا گیا ۔آئندہ ہفتے منصوبہ کے فریم ورک ایگریمنٹ کو حتمی شکل دے کر دستخط کئے جائیں گے۔ اجلاس میں فیصلہ کیا گیا کہ ریلوے ٹریک وزارت ریلویز فراہم کرے گی جبکہ ریل سروس کا انتظام سی ڈی اے سنبھالے گی، ریل سروس کیلئے جدید ٹرین امپورٹ کرنے پر اتفاق کیا گیا ۔ ضنیف عباسی نے کہا کہ جڑواں شہروں کے درمیان ریل سروس کا آغاز عوامی فلاح کا بہترین منصوبہ ہو گا، منصوبے سے شہری تقریبا 20 منٹ میں جڑواں شہروں کے مابین تیز اور آسان سفر کر سکیں گے، وزیر داخلہ محسن نقدی نے کہا کہ منصوبہ وزیراعظم محمد شہباز شریف کے عوامی ریلیف کے ویژن کا عکاس ہے، منصوبے کی تکمیل سے ہزاروں شہریوں کو سفر کی جدید اور معیاری سہولت میسر ہو گی،طلال چوہدری نے کہا کہ ٹرین سروس شہریوں کے لیے کم خرچ اور تیز رفتار سفری سہولت ہوگی، منصوبے کی تکمیل سے سڑکوں پر ٹریفک کا دباو بھی کم ہوگا، وفاقی سیکرٹری داخلہ سیکرٹری ریلویز، چیئرمین سی ڈی اے، کمشنرراولپنڈی، کمانڈنٹ و ڈپٹی کمانڈنٹ ایف سی،آئی جی اسلام آبادپولیس ڈپٹی کمشنر اسلام آباد اور اعلی افسران نے اجلاس میں شرکت کی
