98 سکولوں میں اضافی کمروں، نئے بیت الخلا اور چار دیواری کی تعمیر کے لیے 18 کروڑ جاری
راولپنڈی(اے ایف بی)سکولز ایجوکیشن ڈیپارٹمنٹ پنجاب کی ہدایت پر ڈسٹرکٹ ایجوکیشن اتھارٹی راولپنڈی نے ضلع راولپنڈی کے 98 سکولوں میں اضافی کمروں، نئے بیت الخلا اور چار دیواری کی تعمیر کے لیے 18 کروڑ 91 لاکھ 32 ہزار روپے کے فنڈز جاری کردیے ، جاری کردہ فنڈز سے راولپنڈی ضلع کے 15 ہائیر سیکنڈری سکولز 56 ہائی سکولز ، 18 ایلیمنٹری سکولز اور 9 پرائمری سکولز شامل ہیں جن میں 180 نئے کمروں کی تعمیر کیے جائیں گے جس پر 11 کروڑ 30 لاکھ روپے اسی طرح 7 ہائر سیکنڈری سکولز ، 60 ہائی سکولز 43 ایلیمنٹری سکولز اور 41 پرائمری سکولز کی چاردیواری کی تعمیر کے لیے 6کروڑ 20 لاکھ روپے اخراجات کیے جائیں گے اسی طرح 25 ہائی سکولز، 20 مڈل سکولز اور 42 پرائمری سکولز میں 155 نئے بیت الخلا کی تعمیر کی مد میں 1 کروڑ39 لاکھ 50 ہزارروپے کے اخراجات ہوں گے ، ڈسٹرکٹ ایجوکیشن اتھارٹی راولپنڈی نے تمام اسکولوں کو۔فنڈز جاری کردیے اورانہیں ہدایت کی کہ وہ مقررہ مدت میں یہ منصوبے مکمل کیے جائیں ۔
