کشمیریوں کی امیدوں اور امنگوں کا مرکز پاکستان ہے راجہ سکندر خان

اسلام آباد (اے ایف بی)چئیرمین گلوبل پاک کشمیر سپریم کونسل راجہ سکندر خان نے کہا ہے کہ کشمیریوں کی امیدوں اور امنگوں کا مرکز پاکستان ہے،آج سے سات دھائیوں قبل کشمیریوں نے اپنی منزل کا تعین کر دیاتھا اور اس منزل کے حصول کیلئے مسلسل قربانیاں دے رہے ہیں۔ ہمارے بزرگوں نے کشمیریوں کی جس منزل کا تعین کیا تھا وہ ان شاء اللہ حاصل کر کے رہیں گے۔ ہم مسئلہ کشمیر کا پرامن حل چاہتے ہیں جو کشمیریوں کی مرضی کے بغیر ممکن نہیں

۔یوم الحاق پاکستان کے موقع پر اپنے خصوصی بیان میں انہوں نے کہا کہ دنیا کی کوئی طاقت کشمیریوں کو اپنی منزل کے حصول سے نہیں روک سکتی، گزشتہ کئی دھائیوں سے کشمیریوں نے اپنا خون دیکر یہ ثابت کیا ہے کہ ان کا جذبہ غیر متزلزل ہے۔ پاکستان کی حکومت اور عوام کشمیریوں کی سیاسی، سفارتی اور اخلاقی مدد کر رہی ہے۔ جبکہ بھارت مسئلہ کشمیر حل کرنے کے بجائے اس کو مزید الجھارہاہے

بھارت کو چاہیے کہ وہ اپنی روایتی ہٹ دھرمی چھوڑ کر مذاکرات کے ذریعے مسئلہ کشمیر کا پرامن حل نکالنے کے لیے اپنا کردار ادار کرے۔میں اس موقع پر کشمیری قوم سے اپیل کرتا ہوں کہ یوم الحاق پاکستان اس عہد کی تجدید کے ساتھ منائیں کہ ریاست جموں و کشمیر کی مکمل آزادی اور اسے پاکستان میں شامل کرنے کیلئے کسی بھی قربانی سے دریغ نہیں کیا جائے گا۔

اپنا تبصرہ بھیجیں