راولپنڈی میں کورونا کا پھیلاو روکنے کیلئے مزید 8 علاقے سیل کرنے کا فیصلہ

راولپنڈی (اے ایف بی )راولپنڈی کورونا کے واری جاری ، 288افراد زندگی کی بازی ہار گئے جبکہ مریضوں کی تعداد 5590تک پہنچ گئی ہے ،انتظامیہ نے راولپنڈی میں کورونا کا پھیلاو روکنے کے لیے انتظامیہ نے مزید 8 علاقوں کو سیل کرنے کا فیصلہ کرلیا ہے ۔ راولپنڈی انتظامیہ نے کورونا وائرس کے پھیلاوروکنے کے لیے مزید 8 علاقوں کو سیل کرنے کا فیصلہ کیا ہے، انتظامیہ نے ہوم ڈیپارٹمنٹ کو تجویز دی ہے کہ راولپنڈی کے ہاٹ سپاٹ علاقے، گلزار قائد ،خیابان سرسید ،ڈھوک علی اکبر ،کوٹھہ کلاں ،مورگاہ ،تخت پڑی اور دو بڑے بازاروں باڑہ مارکیٹ اور نرنکاری بازار کو دس دن کے لئے مکمل سیل کیا جائے، ضلعی انتظامیہ کے مطابق 30 جون سے دس جولائی تک ہاٹ سپاٹ علاقوں کو سیل کرکے شہریوں کی آمدورفت کو محدود کیا جائے گا اور مارکیٹس دکانوں کو بند کیا جائے گا ۔ راولپنڈی میں کورونا وائرس کے متاثرہ مریضوں کی مجموعی تعداد 5590 تک پہنچ چکی ہے جبکہ گزشتہ 24 گھنٹوں کے دوران مزید 118 مریضوں کی رپورٹس پازٹیو آئی ہے، انتظامیہ نے اس سے قبل بھی میڑو پولیٹن کارپوریشن کی یوسی 21 سے یوسی 29 تک اور پیپلز کالونی، ٹیچ باڑہ، علامہ اقبال کالونی سمیت 22 مقامات کو 30 جون تک سیل کیا گیا ہے ۔

اپنا تبصرہ بھیجیں